Basha takon Sorosin … pas një viti. (Romeo Kodra)

Më bëri përshtypje një artikull i lapsi.al që përcillte një intervistë televizive të Lul Bashës. http://www.lapsi.al/lajme/2017/01/14/basha-rr%C3%ABfen-takimin-me-george-soros#.WHoPcX0SNG4.

Basha takon Sorosin

Basha takon Sorosin

Sipas Lulit, kokëasfaltuarit shqiptar, kreut gjenial të të ashtuquajturës Opozitë, “Edi Rama po shalon Sorosin”. Përtej nxitjes pornografike të fantazisë, ky “gjenialitet” i Lulit tregon sesa pa bythë janë qeveritarët të çdo lloj ngjyrimi politik përkarshi një ultra 80-vjeçari që nuk bën a kërkon tjetër veçse të bëj biznes siç ka bërë gjithnjë: duke krijuar reaksion karshi çdo tentative revolte qytetare, të cilat mund destabilizojnë kapitalin dhe përfitimin e të zakonshmëve.

Pozicionimi i Sorosit me kapitalet e tij – që zakonisht quhet filantropizëm – në vatrat e revoltës (romët&egjiptianët, punëtorët e pakënaqur, protestues të paorganizuar të shoqërisë civile, arti dhe kultura që kanë rezistencën në thelb) i shërben atij të kontrollojë dhe mundësisht të kanalizojë çdo tension shoqëror për të mos rrezikuar, me goditjet e mundshme të revoltave, pushtetin tonë të kontrolluar prej Big Brother-it përtej murit të verdhë të rrugës së Elbasanit. Big Brother-i kontrollon zagarët që kemi në pushtet, të cilët kapin ndonjë copë prej llokmave të kapitalit të vërtetë (shih Soros në zërin “BANKERS PETROLEUM”) mes të cilëve Soros-i radhitet.
Pyetja është: Sorosi është kaq koqe sa ta lejojë veten të informohet nga kokëasfaltuari i Opozitës? Natyrisht është thjeshtë pyetje retorike, sepse thelbi i çështjes është te të qenurit pa bythë të politikanëve, pa shtyllë kurrizore, pa kurrëfarë dinjiteti. Pyetja e vërtetë është pse këto krijesa larvore të quajtur politikanë shqiptarë nuk e vënë Sorosin përpara përgjegjësive duke i kërkuar llogari p.sh. se si ka mundësi që thërret Erion Veliajn nëpër forume ekonomike mbarëbotërore? http://www.tiranaobserver.al/soros-merr-erion-veliajn-ne-sri-lanka/ Madje e thërret kur vetë Soros e di se ky u ka vënë shkelmin romëve&egjiptianëve, vret njerëz në landfill-e? https://www.youtube.com/watch?v=5d9GPIZj4_8 Për të mos folur për bëmat e karabushit kryeminstror.
Pra pyetja që i duhet bërë Soros-it është nëse ai është “Babai i romëve”, të varfërve, shtresave në nevojë, artistëve dhe njerëzve të kulturës apo është “Babai i Karabushit dhe Lali Erit”? Pse kjo Opozitë nuk tenton të hapë letrat në tavolinë me Soros-in dhe sojin dhe sorollopin e llojit të tij dhe t’i kërkojë të bëjë reaksion/presion jo tek revoltat e drejta qytetare, por te klasa e pushtetarëve në qeveri? Natyrisht edhe kjo është pyetje retorike, sepse politkanët tanë në bazë, aty ku presioni i varfërisë nxit përditë e më shumë revoltën, shkojnë vetëm për të bërë “selfie” apo për të “dhuruar” tapi.

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google

Po komentoni duke përdorur llogarinë tuaj Google. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s